AHELE NAZAR ME MERI BHI IZZAT HAI BE MISAL

*❣(بزم سادات میں کہا گیا کلام)*❣

*🧡〰️〰️〰️〰️〰️〰️〰️〰️*🧡

*اہل نظر میں میری بھی عزت ہے بے مثال*

*کیوں کہ مجھے حضور سے الفت ہے بے مثال*

*پُرنور ذرّہ - ذرّہ ہے طیبہ کا اسلئے*

*حاصل درِ رسول سے نسبت ہے بے مثال*

*دن رات ہے فرشتوں کی جلوہ گری جہاں*

*وہ میرے نانا جان کی تربت ہے بے مثال*

*عشقِ نبی کا درس کوئی لے بلال سے*

*کوڑے بھی کہ رہے ہیں عقیدت ہے بے مثال*

*دل میں تھا عزمِ قتل مگر دیکھنے کے بعد*

*کہنا پڑا عمر کو بھی صورت ہے بے مثال*

*غربت کی وادیوں سے صدا آ رہی ہے یہ*

*شاہِ زمن کا دستِ سخاوت ہے بے مثال*

*محشر میں میرے آقا کی شفقت کو دیکھکر*

*عاصی کہیں گے دیکھو شفاعت ہے بے مثال*

*دستِ شفیعِ حشر سے کوثر پئیں گے جب*

*عاشق کہیں گے جھوم کے شربت ہے بے مثال*

*محبوبِ کبریا کی محبت کا ہے صلہ*

*میرے رضا کی آج جو شہرت ہے بے مثال*

*فکرِ حمیدٓ ان کی ثنا میں کہے بھی کیا*

*جنکی کلامِ پاک میں مدحت ہے بے مثال*

*🧡〰️〰️〰️〰️〰️〰️〰️〰️*🧡

*✍🏻 : برادرِ صغیر حضور بہار الہند*

*فقیر سیّد عبد الحميد قادری*

*آستانہ یٰسینیہ اَیرایاں سادات شریف*

*فتح پور ہسوا*

*و خانقاہ قادریہ جاجمؤ شریف کانپور*❣