BAZM E SAADAT ME KAHA GAYA KALAAM

*♥️(بزم سادات میں کہا گیا کلام)*♥️

*🥀〰️〰️〰️〰️〰️〰️〰️〰️*🥀

*راکب دوش پیمبر ابن حیدر السلام*

*نور عین فاطمہ محبوب شبّر السلام*

*گلشن دین نبی کے اے گل تر السلام*

*بحر صبر و حلم کے اے درّ انور السلام*

*خون سے سینچا ہے تم نے باغ دین مصطفیٰ*

*جان ہے تم پر فدا اے مِیر لشکر السلام*

*مذہب اسلام نے پائ ہے شوکت آپ سے*

*واہ وا اے شاہ کربل آل اطہر السلام*

*راہ حق میں جاں نثاری کوئ سیکھے آپ سے*

*ملّت بیضا کے اے مرد قلندر السلام*

*تِیر کی برسات پر بھی صابر و شاکر رہے*

*بے مثالی شان والے ننھے اصغر السلام*

*وادئ ظلمت کو نور حق سے روشن کر دیا*

*کربلا کے اے شہیدان بہتر السلام*

*اللہ اللہ کیا عبادت ہے مرے شبیر کی*

*بر زباں ذکر خدا سر زیر خنجر السلام*

*کربلا کی خاک دیکھی اشک جاری ہو گئے*

*یاد آیا برملا وہ خونی منظر السلام*

*حشر میں دیکھیں گے جب جلوہ حسین پاک کا*

*ہوگا بر جستہ غلاموں کی زباں پر السلام*

*کہہ رہے ہیں مست ہو کر آپ کے کردار سے*

*بحر و بر اور خشک و تر اور ماہ و اختر السلام*

*غیر ممکن ہے ثنائے ہمشبیہ مصطفیٰ*

*کر حمیدٓ اب اکتفا اور رکھ قلم کر السلام*

*🥀〰️〰️〰️〰️〰️〰️〰️〰️*🥀

*✍🏻 : برادر صغیر حضور بہار الہند*

*فقیر سیّد عبد الحميد قادری*

*آستانہ یٰسینیہ اَیرایاں سادات شریف*

*فتح پور ہسوہ*

*و خانقاہ قادریہ جاجمؤ شریف کانپور♥️*