Sahere Nabi Teri Galiyon

SHEHRE NABI TERI GALIYO’N KA NAKHSHA HI KUCH AESA HAI

Shehre Nabi Teri Galiyo’n Ka Nakhsha Hi Kuch Aesa Hai

Khuld Bhi Hai Mustaq Ziyarat Jalwa Hi Kuch Aesa Hai

Dil Ko Sukoon De Aankh Ko Thandak Rouza Hi Kuch Aesa Hai

Farsh E Zami Par Arshe Bari Ho Lagta Hi Kuch Aesa Hai

Unke Dar Par Aesa Jhuka Dil Uthne Ka Ab Hosh Nahi

Ahle Shariyat Hai Sakte Me Sajda Hi Kuch Aesa Hai

Sibt E Nabi Hai Pushte Nabi Par Aur Sajde Ki Haalat Hai

Aaqa Ne Tasbih Bharhai Beta Hi Kuch Aesa Hai

Rab Ke Siwa Dekha Na Kisi Ne Farshi Ho Ya Arshi Ho

Unke Haqiqat Ke Chehre Par Parda Hi Kuch Aesa Hai

Taaj Ko Apne Kaasa Bana Kar Hazir Hain Shaahan E Jaha

Unki Ata Hi Kuch Aesi Hai Sadqa Hi Kuch Aesa Hai

Kham Hai Yaha Jhamshid O Sikandar Is Me Kya Hairani Hai

Unke Gulaamo Ka Ay Akhtar Rutba Hi Kuch Aesa Hai

شہر نبی تیری گلیوں کا نقشہ ہی کچھ ایسا ہے

خلد بھی ہے مشتاق زیارت جلوہ ہی کچھ ایسا ہے

دل کو سکون دے آنکھ کو ٹھنڈک روضہ ہی کچھ ایسا ہے

فرش زمیں پر عرش بریں ہو لگتا ہی کچھ ایسا ہے

ان کے در پر ایسا جھکا دل اٹھنے کا اب ہوش نہیں

اہل شریعت ہیں سکتے میں سجدہ ہی کچھ ایسا ہے

سبط نبی ہے پشت نبی پر اور سجدے کی حالت ہے

آقا نے تسبیح بڑھا دی بیٹا ہی کچھ ایسا ہے

رب کے سوا دیکھا نہ کسی نے فرشی ہو یا عرشی ہو

ان کی حقیقت کے چہرے پر پردہ ہی کچھ ایسا ہے

تاج کو اپنے کاسا بنا کر حاضر ہیں شاہانِ جہاں

ان کی عطا ہی کچھ ایسی ہے صدقہ ہی کچھ ایسا ہے

خم ہیں یہاں جمشید و سکندر اس میں کیا حیرانی ہے

ان کے غلاموں کا اے اختر رتبہ ہی کچھ ایسا ہے